Wednesday, May 03, 2006

தேர்தல் அலசல் - 2006 -திருச்சி


திருச்சியில் வெல்லப் போவது யார்?
திருச்சி : மொத்தத் தொகுதிகள் 7.

1.உப்பிலயபுரம் 2.திருவெறும்பூர் 3. லால்குடி 4.திருவரங்கம் 5.முசிறி 6. திருச்சி-ஒன்று 7.திருச்சி - 2.

1.உப்பிலியபுரம் :
ரா.ராணி(திமுக)
பெ.முத்துசாமி (அதிமுக) - (கட்சி பலம் +)

அதிமுகவின் பலமான தொகுதி. உப்பிலியபுரம் சரோஜா., சிட்டிங் எம்.எல்.எ. தற்போது வாய்ப்பு முத்துசாமிக்கு வழ்ங்கப்பட்டிருக்கிறது. ராணி திமுக சார்பில் நிற்கிறார். சரோஜா அப்படியொன்றும் கொடுத்த வாக்குதிகளையெல்லாம் நிறைவேற்றி விடவில்லைதான். துறையூர் போன்ற இடங்களில் திமுகவிற்கு வாக்கு வங்கி இருந்தாலும். இலைக்குத்தான் தொகுதியின் பெரும்பான்மையான ஓட்டு. உப்பிலியபுரத்தில் முத்துசாமிக்கு வாய்ப்பிருக்கிறது.

2.திருவெறும்பூர்:
கே.என் சேகரன்(திமுக) - (கூட்டணி பலம்++)
சிரிதர் வாண்டையார் (மூமுக)
திருவெறும்பூர் என்றாலே பெல் தொழிற்சாலை நினைவுக்கு வரும். அதிக வாக்களர்களைக் கொண்ட தொகுதி. இத்தொகுதியில் முக்குலத்தைச் சேர்ந்தவர்கள் அதிகம் அடுத்து ஆதிமக்கள். இங்கு அதிமுக சார்பில் மூவேந்தர் முன்னேற்றக் கழக வேட்பாளர் சிரிதர் வாண்டையாரும், திமுக சார்பில் கே.என் சேகரனும் நிற்கிறார்கள். இருவருமே முக்குலத்தைச் சேர்ந்தவர்கள். இருந்தாலும் விசிக்கள் உதவியுடன் ஆதிமக்கள் வாக்குகளை ஆதாரமாகக் கொண்டு பிரச்சாரம் செய்யலாம் என நினைத்தால் வாண்டையாரை ஆதரிக்க விசிக்களுக்கு அவ்வளவு விருப்பம் இல்லை. மதிமுக அவ்வளவு செல்வாக்கில்லாத தொகுதி இந்நிலையில் வெறும் அதிமுக வாக்கு வங்கியை மட்டும் நம்பிக் கொண்டிருக்கிறார். உள்ளூர் வேட்பாளர் இல்லை இவர் என்பதும் சறுக்கல். தேமுதிக சார்பில் அக்கட்சியில் மாவட்டத் தலைவர் தங்கமணி நிற்கிறார். இவர் ஆதிமக்கள் வாக்குகளைப் கணிசமாக பிரிக்கக்கூடும். இரண்டாவது முறையாக இத்தொகுதியில் கே.என் சேகரன் நிற்கிறார். சிட்டிங்கும் இவர்தான். தொகுதிக்கு பல நல்லவைகளைச் செய்திருக்கிறார். ஜான்பாண்டியன் ஆதரவும் இவருக்கு உள்ளது. கூட்டணி பலத்துடன் தொகுதியை மீண்டும் வெல்வார் சேகரன்.
3. லால்குடி :
ராணி(திமுக) - (கட்சி பலம் +)
பெ.முத்துச்சாமி (அதிமுக)

கே.என்.நேருவின் தொகுதி. கடந்த 4 முறை போட்டியிட்டு இரு முறை வென்றிருக்கிறார். தற்போது அவர் திருச்சி 2 ல் நிற்பதால். இங்கு திமுக ராணி நிற்கிறார். அதிமுக சார்பிலோ சிட்டிங் எம்.எஸ்பாலன் இல்லாது பெ.முத்துசாமி என்பவர் நிற்கிறார். இவ்விருமே உடையார் சமூகத்தைச் சேர்ந்தவர்கள். தேமுதிக சார்பில் எஸ்.ராமு என்பவர் போட்டியிடுகிறார். திமுக பாலம், கூட்டணி கட்சிகள் பலம் இரண்டையும் கணக்கில் கொண்டால் திமுக வெல்லலாம்..

4.திருவரங்கம் :
ஜெரொம் அரோக்கியராஜ் (காங்கிரஸ்) - (கூட்டணி பலம் +)
எம்.பரஞ்ஜோதி (அதிமுக)

திருவரங்கம் தொகுதியில் சிட்டிங், முன்னால் அமைச்சர் கே.கே.பாலசுப்ரமணியன், சீட்டில்லாததால் செழிப்பில்லாமல் இருக்கிறார். அதற்கு முந்திய தேர்தலில் (1996) அதிமுக சார்பில் போட்டியிட்டு தோற்ற பரஞ்ஜோதியை மீண்டும் இம்முறை களமிறக்கியிருக்கிறது அதிமுக. இருந்தாலும் எம்.எல்.ஏ பின் தொடர வீடு வீடாக வாக்கு கேக்கிறார் பரஞ்ஜோதி. காங்கிரஸ் ஜெரோம் ஆரோக்கியராஜ் பணபலமுள்ளவர். ஆனால் இத் தொகுதிக்கு அறிமுகமில்லாதவர். திருச்சிகாரர். அக்கிரகார வாக்கு வங்கியை கைப்பற்ற இருவருமே முனைப்புடன் உள்ளனர். ஜெரோம்க்கு சிறுபான்மையினர் ஆதரவும் கிடைக்கும். திருவரங்க ஜீயர் ஆசியுடன் இருவரும் பிரச்சாரகளமிறங்கினாலும், இங்கு மக்கள் கவனிப்பது பா.ஜ.க வில் யார் நிற்கிறார் என்பது. இவர்களை ஏமாற்றாமல் அக்கட்சி சார்பில் நிற்கும் பார்த்திபன் தொகுதியை சுற்றி, சுற்றி வருகிறார். இவர் ஓட்டுக்களை பிரிப்பார். கூட்டணியுடன் நின்ற போது அதிக ஓட்டுகள் இத்தொகுதியில் பெற்ற பாஜக இப்போது தனித்து நிற்கிறது, பரஞ்ஜோதி ஓட்டுக்களை பிரிக்கவே அதிக வாய்ப்பு..அவ்வளவு பாதிப்பிருக்காது, தேமுதிகவில் ரமேஷ்ம் களத்தில். இப்படியாக கலை கட்டியிருக்கிறது திருவரங்கம். இருந்தாலும் அதிமுக அதிருப்தி கோஷ்டிகள், கூட்டணி பலம், சிறுபான்மையோர் வாக்குகள் வைத்துப் பார்க்கும் போது இங்கு ஜெரோமுக்கே வாய்ப்பு.

5.முசிறி :
எம்.செல்வராஜ்(திமுக) - (கூட்டணி பலம் + )
புனாட்சி(அதிமுக)

அதிமுகவின் மிக பலமான தொகுதி முசிறி. கடந்தமுறை மண்ணச்ச நல்லூரைச் சேர்ந்த சி.மல்லிகா அதிமுக சார்பில் இத் தொகுதிக்கு தேர்ந்தெடுக்கப்பட்டார். இப்போது கவுன்சிலர் பூனாட்சி நிற்கிறார். தொகுதிக்கு நன்கு அறிமுகமான பூனாட்சியின் ஒரேகுறை மல்லிகா வெள்ள நிவாரணத்தை சரியாக பிரித்துக் கொடுக்காததுதான். அவர் ஊருக்கே அனைத்தையும் கொடுத்துவிட்டார் என குமுறுகிறர்கள் ரரக்கள். உஷாராக எம்.எல்.ஏ இல்லாமல்தான் பிரச்சாரத்திற்கு செல்கிறார். சூரியன் பக்கமிருக்கும் செல்வராஜோ இதே தொகுதியில் இருமுறை போட்டியிட்டவர் இப்போதும் நிற்கிறார். இவ்விரு வேட்பாளர்களுமே முத்துராஜா சமூகத்தைச் சார்ந்தவர்கள்தான். ஆனால் செல்வராஜூக்குத்தான் அதிக செல்வாக்கு இருக்கிறது. கட்சியில் மாறுபாடு கொண்டிருந்தவர்களை அரவணைத்து சுமூகமாக தேர்தல் பிரச்சாரத்தை செய்து கொண்டிருக்கிறார் செல்வராஜ். தேமுதிகவில் ஒசெ ஜோதிக் கண்ணனின் உறவினர் ராஜலிங்கம் நிற்கிறார். அதிமுகவின் கோட்டையான முசிறியில், கூட்டணி பலம் திமுக செல்வராஜை வெல்ல வைக்கும்.

6. திருச்சி-ஒன்று
அன்பில். பெரியசாமி (திமுக) - (கட்சி பலம் +)
அ.மலர்மன்னன் (மதிமுக)

திமுகவின் கோட்டை, முதலில் இங்கு திமுக சார்பில் மலர்மன்னன் நின்றபோது 2 முறை நின்று, இரு முறையும் வென்றுள்ளார். இம்முறை மதிமுக சார்பில் போட்டியிடுகிறார். திமுக சார்பில் கடந்த இருமுறை வென்ற சிட்டிங் பரணிகுமாருக்கு மறுக்கப்பட்டு திருச்சி 2 ல் எப்போது நிற்கும் அன்பில் தர்மலிங்கத்தின் வாரிசு அன்பில் பெரியசாமி இம்முறை திருச்சி 1 ல் போட்டியிடுகிறார். லால்குடியில் எப்போதும் நிற்கும் மாவட்டச் செயலாருக்கு திருச்சி 2 வழங்கப்பட்டுள்ளது. காங்கிரஸ் பலமும், திமுகவின் பலமும் நிறையவே உள்ளது. கண்ணை முடிகிட்டு சொல்லலாம் இங்கு திமுக வெல்லும்.

7.திருச்சி -இரண்டு. :
கே.என். நேரு (திமுக) - (கட்சி பலம், சொந்த செல்வாக்கு ++)
மரியம்பிச்சை (அதிமுக)

திருச்சி ரெண்டு திமுகவிற்கு பலமுள்ள தொகுதி அரசு ஊழியர்கள் நிறைந்த தொகுதி., சிறுபான்மையின மக்களின் வாக்குகள் கணிசமாக கொண்ட தொகுதி. ஆனா இந்த ஓட்டுக்களை பிரிக்கறதுக்குன்னே ஒவ்வொரு முறையும் ஒரு சுயேட்சை வேட்பாளர் போட்டியிடுவார். இம்முறை ஏ.ராஜா முகமது. என்பவர் சுயேட்சையாக போட்டியிடுகிறார். மரியம்பிச்சை அதிமுகவும் செல்வாக்குள்ள வேட்பாளர்தான் எனினும்., கே.என் நேரு பலத்த செல்வாக்குள்ளவர். கடந்த முறை கூட்டணியோடு இங்கு நின்ற காங்கிரஸ் வேட்பாளரை தோற்கடித்து வென்றது திமுக. கே.என். நேரு திருச்சி இரண்டில் வெல்வார்.
திருச்சி நண்பர்கள் கருத்துக்களைச் சொல்லுங்கள்.
கன்னியாகுமரி மாவட்ட கணிப்பு.
நெல்லை நிலவரம்.
தூத்துக்குடி மாவட்டம்
இராமநாதபுரம் மாவட்டம்
சிவகங்கை மாவட்டம்
விருதுநகர் மாவட்டம்
தேனி மாவட்டம்
நாகை மாவட்டம்
திண்டுக்கல் மாவட்டம்
தஞ்சை மாவட்டம்
கரூர் மாவட்டம்
தருமபுரி மாவட்டம்
ஈரோடு மாவட்டம்
நீலகிரி மாவட்டம்

தேர்தல் அலசல் - 2006 -தருமபுரி

வெற்றி தருமா தருமபுரி?
தருமபுரி : மொத்தம் 10 தொகுதிகள்

1.ஓசூர் 2.தளி 3.கிருஷ்ணகிரி 4.காவேரிப் பட்டினம் 5.பாலக்கோடு 6.பென்னாகரம் 7.பர்கூர் 8.தருமபுரி 9.மொரப்பூர் 10.அரூர்.

1.ஓசூர் :
கே.கோபிநாத் (காங்கிரஸ்) - (கட்சி பலம், கூட்டணி பலம் +++)
கம்பங்கி ராமையா(அதிமுக)
ஓசூர் காங்கிரஸ் தொகுதி. இத்தொகுதியில் எப்போதும் காங்கிரஸ்க்கும், ஜனதா தளத்துக்கும்தான் போட்டியிருக்கும். கடந்தமுறை காங்கிரஸ் சார்பில் போட்டியிட்டு வென்ற கே.கோபிநாத், தற்போதைய எம்.எல்.ஏ தான் இப்போதும் நிற்கிறார். இத்தொகுதியில் இருமுறை சுயேச்சையாக நின்று காங்கிரசுடன் மோதி கணிசமான வாக்குகள் பெற்ற (30909 - கடந்தமுறை) வி.சம்பங்கி ராமையா என்றவர் இப்போது அதிமுகவிற்காக நிற்கிறார். இதுவரை இத்தொகுதியில் அதிமுக போட்டியிட்டதில்லை. காங்கிரஸ், ஜனதாதளம், பாஜக (1முறை), பாமக (1 முறை) போட்டியிட்டு இருக்கின்றனர். மற்றவர்கள் எல்லாம் சுயேட்சை வேட்பாளர்கள் தான். இம்முறை கேப்டன் துணிவா இங்கேயும் ஆள் இறக்கியிருக்கிறார். அவர் பெயர் சந்திரன். இவர்களுடன் பாஜக சர்பில் வெங்கடேஷ்வரனும் நிற்கிறார். கட்சி பலத்துடனும், கூட்டணி பலத்துடனும் காங்கிரஸ் மீண்டும் வெல்லும்.


2.தளி :
நாகராஜ ரெட்டி (சிபி ஐ) - (கூட்டணி பலம் +)
என்.எஸ்.எம். கவுடா (மசா ஜனதாதளம்)
அதிமுக கூட்டணியில் கர்நாடக தேவகவுடாவின் ஜனதாதளம் கட்சியும் உள்ளது. தளி தொகுதியில் அக்கட்சி வேட்பாளர் என்.எஸ்.எம்.கவுடா நிறுத்தப்பட்டுள்ளார். தமிழகத்திலேயே இந்த ஒரு இடத்தில்தான் இக்கட்சி போட்டியிடுகிறது. எனவே அதிமுக இங்கு பிரச்சாரத்தில் மந்தம் காட்டுகிறது. சிபிஐ க்கோ சொந்தபலம், கூட்டணிபலம், குறிப்பாக பாமகவின் நல்ல ஒத்துழைப்பு ஆகியவை ஏறுமுகம் என்பதை காட்டுகிறது. கடந்த முறை வென்றவர் கஏ.வி.முரளிதரன் பாஜக. இம்முறையும் அவரையே நிறுத்தியுள்ளது பாஜக. தொகுதியில் செல்வாக்குள்ள இரு சுயேட்சை வேட்பாளர்களும்( ராமச்சந்திரன், பிரகாஸ்) வாக்குகளை பிரிப்பர். எனினும் நாகராஜரெட்டிக்கே தளி.

3.கிருஷ்ணகிரி :
டி.செங்குட்டுவன் (திமுக) - (கூட்டணி பலம் +)
கோவிந்தராஜ் (அதிமுக)

கடந்தமுறை வென்ற சிட்டிங் எம்.எல்.ஏ கோவிந்தராஜ் அதிமுகவிற்காக இம்முறையும் களத்தில். இவர் வன்னியர் சமூகத்தைச் சேர்ந்தவர். சாதிப் பாகுபாடு பார்ப்பவர் என உட்கட்சியில் இவருக்கு எதிர்ப்பிருந்தது. திமுகவில சீட்டு கேட்டுச் சென்ற வேப்பனாம்பள்ளி சீனப்பர் தலையில் அடிபட்டு மயங்கிவிழ சீட்டு மாசெ செங்குட்டுவனுக்கு கிடைத்திருக்கிறது. ஆனால் இச்சம்பவத்தால் வேப்பனாம்பள்ளி ஓட்டுக்கள் இவருக்கு விழாது என்கிறார்கள். இவர் ஒரு அரசு ஊழியர் என்பதால் அரசு ஊழியர்களின் 'கோபம்' இவருக்கு ஓட்டாக மாறும். தேமுதிக வேட்பாளராக அன்பரசு இங்கு நிற்கிறார். கூட்டணி பலம் செங்குட்டுவனை கரை சேர்க்கும்.

4.காவேரிப் பட்டினம் :
த.அ.மேகநாதன் (பாமக) - (கூட்டணி பலம் +)
கே.பிமுனுசாமி (அதிமுக)
பாமகவிற்கென்று தனித்த செல்வாக்கு இங்கு இல்லைதான். சிட்டிங் அதிமுக எம்.எல்.ஏ மீண்டும் நிற்கிறார். எனவே அதிருப்தியாளகள் அதிகம். அதிமுகவிற்கு வாக்கு வங்கி இருந்தாலும், மற்ற கூட்டணி கட்சிகளுக்கு ஜனதாதளம் தவிர இல்லை. ஆனால் பாமகாவிற்கோ கூட்டணியைக் கணக்கில் கொண்டால், திமுக, முன்பு கூட்டணி கட்சிகளுடன் நின்றபோது 72,945 வாக்குகள் இத்தொகுதியில் பெற்றது கடந்தமுறை அதிமுக 67,241 எடுத்திருந்தது. ஐயாயிரத்திற்கும் சற்று அதிகம். எனவே இங்கு மேகநாதன் வெல்லலாம்.

5.பாலக்கோடு :
கு.மன்னன் (பாமக) - (கூட்டணி பலம் +)
கே.பி.அன்பழகன் (அதிமுக) - -சிட்டிங் - அமைச்சர். செய்தி, விளம்பரம் மற்றும் உள்ளாட்சி.
பாலக்கோடு தொகுதியில் அதிமுக மாசெவும், அமைச்சருமான கே.பி அன்பழகன் போட்டியிடுகிறார். இத்தொகுதில் நன்கு அறிமுகமான முகமிவர். இங்கு அறிவிக்கப்பட்ட பல நலத்திட்டங்கள் செயல்படுத்தி, இத் தொகுதியை வளர்ச்சிப் பாதையில் அழைத்துச் சென்றுள்ளார். இது இவருக்கு சாதகமானது, விளம்பரதுறை அமைச்சர் நன்கு இதை பயன்படுத்திக் கொள்வார். பாமக சார்பில் களமிறங்கும் தருமபுரி மேற்கு பாமக மாசெவான மன்னனும் தொகுதி மக்களுக்கு தெரிந்த முகம்தான். இத் தொகுதியில் சிறுபான்மையினர் அதிகமாகவும், அதற்கடுத்து வன்னியர்கள் அதிகமாகவும் அதற்கடுத்து ஆதிமக்களும் உள்ளனர். இதர சமூகங்கள் இருந்தாலும். சிறுபான்மை மக்களின் வாக்குகளே இங்கு வெற்றியை தீர்வு செய்யும். பாமக வேட்பாளருக்கு இரு சமூக மக்களின் ஆதரவு உண்டு. இரு கட்சி வேட்பாளர்களுமே தீவிரமாக பிரச்சாரம் மேற்கொண்டு வருகின்றனர். வாய்ப்பு பாமக மன்னனுக்கு.

6.பென்னாகரம் :
பி.என்.பெரியண்ணன்(திமுக) - (கூட்டணி பலம் +)
வேற்றிவேல் (மசா ஜனதாதளம்) /அதிமுக

ஜிகே மணியின் தொகுதி. பலமான பாமக தொகுதி. இங்கு சுயேட்சை வேட்பாளராக களமிறங்கியுள்ள வீரப்பன் மனைவி முத்துலட்சுமி மீதும் மக்கள் கவனம் உள்ளது. முன்பு பாமகவிலிருந்து தற்போது திமுகவிலிருக்கும் பெரியண்ணன் திமுக சார்பாக நிற்கிறார். அதிமுக கூட்டணி சார்பில் ஆர்.வெற்றிவேல் நிறுத்தப் பட்டுள்ளார். பாமகவினர் உதவியுடன் வலம் வரும் முத்துலட்சுமி, எளிமையாக இருப்பதும் வீடு, வீடாகச் சென்று ஓட்டுக்கேட்பதும் அங்கேயே கிடைத்தை சாப்பிடுவதுமாக இருந்து மக்கள் மனதில் இடம் பிடித்துவிட்டார் என்கிறார்கள். பத்திரிக்கைகள் மொழி வித்தியாசமில்லாம் வந்து அவரை பேட்டி கண்டு, படம் பிடித்துப் போகிறார்களாம். (கன்னட நிருபர்களும் தான்). பல கிராமங்களில் அவருக்கு முழுமையான ஆதரவு தெரிகிறது. திமுக வேட்பாளர் பாமகவிலிருந்து போனதால் அங்கும், பெரியண்ணன் மீது ஆதங்கம் கொண்ட திமுகவினரும் முத்துலெட்சுமியை ஆதரிக்கிறனர். இந்த உள்குத்துகளையெல்லாம் கடந்து பிரச்சாரத்தில் முன்னேறிக் கொண்டிருக்கிறார் பெரியண்ணன். கட்சி செல்வாக்கும், கூட்டணி பலமும் இல்லாத நிலையில், அம்மாவின் சாதனைகளையும், பண பலத்தையும் நம்பி இருக்கிறது அதிமுக தரப்பு. தேமுதிக சார்பில் தண்டபாணி போட்டியிடுகிறார். எல்லாவற்றையும் ஆராய்ந்து பார்த்தால் பெரியண்ணனுக்கு கிடைக்கலாம் பென்னாகரம்.

7.பர்கூர்:

எம்.வி.வேற்றிச் செல்வன்(திமுக)
மு. தம்பிதுறை (அதிமுக) - (சொந்த கட்சி பலம் +)

ஜெயலலிதா முதலில் வென்ற தொகுதி. கடந்த 7 தேர்தல்களை எடுத்துக் கொண்டால் 1 முறைதான் திமுக வென்றிருக்கிறது. ஆனாலும் அது ஜெவை எதிர்த்து சுகவனம் கண்ட வெற்றி. திமுக கூட்டணியுடன் நின்ற போது வாங்கிய வாக்குகளை விட அதிமுக அதிகம் பெற்றிருக்கிறது. மதிமுகவிற்கு இத் தொகுதியில் பலமில்லை, விசிக்களுக்கும் அப்படியே . அதேபோல் அப்பக்கம் பாமகவிற்கு பலமில்லை. எனவே கட்சியின் தனித்த செல்வாக்கினால் தம்பிதுறைக்கே மீண்டு கிடைக்கலாம் பர்கூர். ஆனால் அவரின் மீதும் கடுமையான அதிருப்தியுள்ளது மக்களுக்கு.
8.தருமபுரி :
வேலுச்சாமி (பாமக) - (கூட்டணி பலம் +)
வி.எஸ்.சம்பத் (மதிமுக)
கடந்தமுறை தருமபுரித் தொகுதியில் கே. பாரி மோகன் பாமக சார்பில் நின்றார். இப்போது பாமகவின் மாசெ வேலுச்சாமி போட்டியிடுகிறார். பாரி மோகன் தொகுதிக்கு என்ன செய்திருக்கிறார் என இவரிடம் கேட்கிறார்கள் மக்கள்.மட்டத்தில் வேலுச்சாமிக்கு நல்ல பெயர் இருக்கிறது. இவர் திருமணம் செய்து கொள்ளாமல் பொது வாழ்வில் இருப்பவர். உள்ளுர்க்காரர் இல்லை எனப் பிரச்சாரம் செய்கிறது எதிர்தரப்பு இருந்தாலும் கட்சி ஆட்களும் திமுக முன்னால் எம்.எல்.ஏ மனோகரனும், பல பெரிய தலைகளும் சேர்ந்து விறு விறு பிரச்சாரம் செய்து கொண்டிருக்கிறார்கள்.
எதிர்ப்பக்கம் மதிமுகவின் மாசெ சம்பத் போட்டியிடுகிறார். இது மதிமுகவிற்கு பலமில்லாத் தொகுதி. அதிமுகவின் சாதனைகளை பட்டியலிடுகிறார்கள். சம்பத்தும் கட்சி மட்டத்திலும், மக்கள் மத்தியிலும் நல்ல பெயர் எடுத்தவர்தான், பணபலமும் இருக்கிறது. மாதிமுகவினர் உற்சாகமாக இருக்கின்றனர். அதிமுகவினர் அனைவரும் பென்னகரத்தில் போட்டியிடும் வெற்றி வேலுக்கு பிரச்சாரம் செய்ய போய்விட்டனர். சம்பத்துக்கும், வெற்றி வேலுக்கும் இருக்கும் தொழிற்பகையும் பாமகவிற்கு சாதகம் செய்யும். இருந்தாலும் நடிகர்கள் பட்டாளத்தை கொண்டு வந்து வண்ணமயமாய் பிரச்சாரம் செய்கிறது மதிமுக. சம்பத் வெற்றி பெற்றால் ஒகேனக்கல் கூட்டு குடிநீர் திட்டத்தை செயல்படுத்துவோம் என்கிறது மதிமுக. தேமுதிக சார்பில் போட்டியிடும் பாஸ்கர் கணிசமாக வாக்குகளை பிரிப்பார். தர்மபுரியில் முகமிட்டு கூட்டணி கட்சியுடன் உற்சாகமாக தேர்தல் வேலை பார்த்துக்கொண்டிருக்கிறார் பாமக வேட்பாளர். இது பாமகவின் கோட்டை என்பதாலும், கூட்டணி பலத்தாலும் இங்கு வேலுச்சாமி வரவே அதிக வாய்ப்பு.

9.மொரப்பூர் :
வ.முல்லைவேந்தன் (திமுக) - (தொகுதியில் செல்வாக்கு கூட்டணி பலம் ++)

கெ.சிங்காரம்(அதிமுக)


மொரப்பூர் அதிமுகவிற்கு சற்று பலமான தொகுதி. திமுக சார்பில் இத்தொகுதியில் 2 முறை நின்று 1996ல் வென்ற முல்லைவேந்தன். அதிமுக சிட்டிங் எம்.எல்.ஏ பி.பழனியப்பன்., தற்போது கே.சிங்காரம் என்பவர் அதிமுக சார்பில். இந்த கே.சிங்காரம் 1996ல் முல்லைவேந்தனை எதிர்த்து நின்று தோற்றவர். அதற்கு முன் அதிமுக சார்பில் நின்று ஒருமுறை வென்றிருக்கிறார். எனவே போட்டி கடுமையாக இருந்தாலும். தொகுதியில் முல்லை வேந்தனுக்கு உள்ள நல்ல பெயர், பழைய சாதனைகள், கூட்டணி பலம் எல்லாம் சேர்ந்து, முல்லை வேந்தனை மொரப்பூரில் வெற்றி பெற வைக்கும்.

10.அரூர்(தனி):
கோவேந்தன் (விசி)
டில்லிபாபு (சிபிஐ (எம்)) - (கட்சி பலம், கூட்டணிபலம் ++)

கம்யூனிஸ்ட் கட்சிகளின் பலமான தொகுதி. சிட்டிங் சிபிஐயைச் சார்ந்த் வி.கிருஷ்ணமூர்த்தி. இப்போது இது சிபிஐ எம் க்கு ஒதுக்கப்பட்டு டில்லிபாபு நிற்கிறார். எதிர் தரப்பில் விடுதலை சிறுத்தைகள் கோவேந்தன் நிற்கிறார். கூட்டணி கட்சியான அதிமுக தகுந்த ஒத்துழைத்துப்பு நல்குகிறது. இவர் ஓட்டைப் பிரிக்க பி.அர்சுனன் தேமுதிக களத்தில். திமுக, பாமக, காங்கிரஸ் போன்ற கட்சிகளுக்கும் இங்கு செல்வாக்கு உண்டு சிபிஎம், சிபி ஐக்கும் நல்ல எண்ணிக்கையில் வாக்குகள் கிடைக்கும் தொகுதி இது. எனவே டில்லிபாபு வெல்வார்.

தருமபுரி நண்பர்கள் கருத்துக்களைச் சொல்லுங்கள்.

கன்னியாகுமரி மாவட்ட கணிப்பு.
நெல்லை நிலவரம்.

தூத்துக்குடி மாவட்டம்
இராமநாதபுரம் மாவட்டம்

சிவகங்கை மாவட்டம்

விருதுநகர் மாவட்டம்

தேனி மாவட்டம்
நாகை மாவட்டம்

திண்டுக்கல் மாவட்டம்
தஞ்சை மாவட்டம்

கரூர் மாவட்டம்

தேர்தல் அலசல் - 2006 - திருவாரூர்


திருவாரூர் : மொத்தம் 5 தொகுதிகள்

1.நன்னிலம் 2.வலங்கைமான் 3.திருவாரூர் 4.மன்னார்குடி 5.திருத்துரைப் பூண்டி

1.நன்னிலம்:
பி.பத்மாவதி (சிபிஐ)
க.அறிவானந்தம்(அதிமுக)
நன்னிலம் காங்கிரஸ், திமுக செல்வாக்கு உள்ள தொகுதி. கடந்த இரு முறையும் அங்கு காங்கிரஸ் (தமகா) வென்றுள்ளது. இந்த முறை தொகுதி சிபிஐக்கு சென்றிருக்கிறது. சிபிஐ சார்பில் பி.பத்மாவதியும் அதிமுக சார்பில் க.அறிவானந்தமும் போட்டியிடுகின்றனர். சிபிஐக்கு இத்தொகுதி கிடைக்க வாய்ப்புள்ளது.

2.வலங்கைமான் (தனி):
சோம.செந்தமிழ்ச்செல்வன்(திமுக) - (கூட்டணி பலம்+)
இளமதி சுப்ரமணியன்(அதிமுக)
வலங்கைமான் அதிமுகவும் திமுகவும் சம பலம் கொண்ட தொகுதி. சிட்டிங் எம்.எல்.ஏ பூபதி மாரியப்பனுக்கு அதிமுகவில் சீட் கொடுக்காமல், முன்னால் எம்.எல்.ஏவின் மகள் இளமதி சுப்ரமணியனுக்கு கொடுத்திருக்கிறார்கள். திமுக சார்பில் சோமசுந்தரத்தின் மகன் சோம.செந்தமிழ்ச் செல்வன் நிற்கிறார். அதிமுகவிற்கென பலமான ஓட்டு வங்கியுள்ளது எனினும். மதிமுகவிற்கோ, விசிக்கோ அவ்வளவு மற்றமேற்படுத்தக்கூடிய அளவு பலமில்லை. இடையில் தேமுதிக சித்ராவும் நிற்கிறார். கூட்டணி கட்சிகளின் ஆதரவும், பலமும் செந்தமிழ் செல்வனுக்கு வலங்கை மானைத் தரும்.

3.திருவாரூர் :
உ.மதிவாணன் (திமுக) - (கூட்டணி பலம்+)
ஏ.தங்கமணி(அதிமுக) :

கலைஞர் ஊர். திருவாரூர் கம்யூனிஸ்ட், காங்கிரஸ் கட்சிகளின் கூடாரம். அதிமுக 1984க்குபிறகு இப்போதுதான் இத் தொகுதியில் போட்டியிடுகிறது. சிட்டிங் அசோகன் சீட்டுக் கிடைக்காததால் அதிமுகவில் சேர்ந்து விட, அதிமுக பலம் சற்று அதிகரித்திருக்கிறது. திருவாரூர் கிராமப்பகுதிகளில் ஆதி மக்கள் வாக்கி வங்கி உள்ளது. நகரத்தில் பிள்ளை, முதலியார் மற்றும் முஸ்லீம் சமூக மக்கள் அதிக அளவில் வசிக்கின்றனர். திமுக சார்பில் போட்டியிடும் மதிவாணன் சுறுசுறுப்பாக களத்தில் பிரச்சாரம் செய்கிறார். நகர்புரத்தில் திமுக செல்வாக்கும், கிரம புறங்களில் கம்யூனிஸ்ட், காங்கிரஸ் செல்வாக்கு இருப்பதாலும், கலைஞரின் ஊர் என்பதாலும் கலக்கமில்லை மதிவணனுக்கு.

4.மன்னார்குடி :
சிவ.புண்ணியம் (சிபிஐ) - (கூட்டணி பலம்+)
ஆர்.காமராஜ்(அதிமுக)
மன்னார்குடி செஞ்சட்டைத் தோழர்களின் கோட்டை. கடந்த இருமுறையும் சிபிஐதான் வென்றுள்ளது. இம்முறையும் வாய்ப்பு சிபிஐக்கே. கடந்த இருமுறை இதொகுதியில் வென்ற சிவபுண்ணியம் திமுக கூட்டணி சார்பில். தொகுதியில் நல்ல செல்வாக்குள்ளவர். நலங்கள் பல செய்தவர். அனைத்து கூட்டணி கட்சி பிரமுகர்கள் சூழ ஓட்டு வேட்டை நடத்துகிறாராம். எனவே கூட்டணி பலமும் நன்றாக உள்ளது. அவரை எதிர்த்து அதிமுக ஆர். காமராஜ் போட்டியிடுகிறார். மேதின கூட்டங்களில் எல்லாம் கொடியேற்றி வைத்து தொழிலாளர்கள் ஓட்டை கவர் முயன்று கொண்டிருக்கிறார். முழுக்க அதிமுகவின் பலத்தை மட்டுமே நம்பியிருக்கிறது அதிமுக கூட்டணி இங்கு. சிவபுண்ணியம் மீண்டும் வரலாம் இங்கு. (ஒருவரைப் பற்றி குறிப்பிடவேயில்லையே? என்கிறீர்களா? :):).

5.திருத்துரைப் பூண்டி:
கே.உலகநாதன் (சிபிஐ) - (கூட்டணி பலம்+)
ஏ.உமாதேவி (அதிமுக)
சிபிஐ - உலகநாதனுக்கு வாய்ப்புள்ளது.

தேர்தல் அலசல் - 2006 - தஞ்சாவூர்

மணி எது?
தஞ்சாவூர் : மொத்தம் 10 தொகுதிகள்

1.திருவையாறு 2.பாபநாசம் 3.திருவிடைமருதூர் 4.கும்பகோணம் 5.தஞ்சாவூர் 6.ஒரத்தநாடு 7.திருவோணம் 8.பேராவுரணி 9.பட்டுக்கோட்டை
1. திருவையாறு:
துரை சந்திரமோகன் (திமுக)- (கூட்டணிபலம், தொகுதியில் செல்வாக்கு ++)
துரை. கோவிந்தராஜன் (அதிமுக)

இரண்டு கழகங்களும் மாறி, மாறி வென்ற தொகுதி. சிட்டிங் அய்யாரு வாண்டையார் களத்தில் இல்லை. அதிமுகவில் இம்முறை வாய்ப்பு துரை கோவிந்தராஜனுக்கு. 1984ல் இங்கு நின்று, வென்றுவிட்டு சென்றுவிட்டார். இப்போது மீண்டும் அழைத்து வந்து வாய்ப்பு கொடுத்திருக்கிறார்கள். ஆனால் துரை சந்திர சேகரன் 4 முறை இதே தொகுதியில் திமுக சார்பாக நின்று, இரு முறை வென்றிருக்கிறார். 1989 இத்தொகுதியில் சுயேட்சையாக போட்டியிட்டு சிவாஜிகணேசன் தோற்றபோது (இதை எழுதிக் கொண்டிருக்கும் போது யார் யாரோ நியாபகத்துக்கு வரிசையா வாராங்க) வென்று எம்.எல்.ஏ ஆனவர் இவர்.. தொகுதிக்கு நன்கு அறிமுகம் ஆனவர். வெள்ள நிவாரணப் பணிகள், மற்றும் கொள்ளிடம் பாலம் பணிகள் அதிமுகவிற்கு சாதகம் என்றால் கூட்டணி, தொகுதியில் நல்ல பெயர், விவசாயிகள் நிறைந்த இத் தொகுதியில் அவர்கள் வாக்குப் பெற தேர்தல் அறிக்கை கைகொடுக்கும். பெருவாரியான முஸ்லீம் மக்கள் வசிக்கும் பகுதி அவர்கள் ஓட்டு முழுமையாக இங்கு திமுகவிற்குத்தான். இத்தனையும் வைத்துப் பார்த்தால் நிற்கும் இரண்டு துரைகளில் திமுக துரையே வெல்ல வாய்ப்பதிகம்.
2.பாபநாசம் :
ராம்குமார்(காங்கிரஸ்) -(கூட்டணிபலம் +)
இரா.துரைக்கண்ணு (அதிமுக)
கடந்த எழுமுறை நடந்த அத்தனை தேர்தல்களிலும் வென்றுள்ளது காங்கிரஸ். ராஜாராமன், கருப்பையா மூப்பனார் போன்ற பழம் பெரும் காங்கிரஸ் தலைவர்களின் இடம். இப்போதும் சிட்டிங் காங்கிரஸ் எம்.எல்.ஏ எம்.ராம்குமாரே நிற்கிறார். அதிமுக சார்பில் நிற்பவர் துறைக்கண்ணு என்பவர். தன் பகட்டில்லாத அணுகு முறையால் மக்கள் மனதில் இடம்பெற்றுக் கொண்டிருக்கிறார். ராம்குமாரின் மீது அதிருப்தி இருந்தாலும் கூட்டணி, காங்கிரஸ் செல்வாக்கு அதுவும் இத்தொகுதியில் வேறு கட்சிகளை விட்டதில்லை கதர்சட்டைகள் என்பதினாலும் ராம்குமாருக்கே மீண்டும் வாய்ப்பு கிடைக்கும்.

3.திருவிடைமருதூர் :
கோ.ஆலையமணி(பாமக)
ஆர்.கே.பாரதி மோகன்(அதிமுக)
திமுக நல்ல பலமும், காங்கிரஸ்க்கு மிதமான பலமும் உள்ள தொகுதி. இங்கு திமுக முன்னால் எம்.எல்.ஏ எஸ். ராமலிங்கம் கடந்த 7 முறைகளும் தேர்தலில் நின்று, 5 முறை வென்றுள்ளார். ஆனால் இம்முறை பாமக களமிறங்குகிறது இங்கு. பாமக சார்பில் அதன் முக்கியத் தலைவரான ஆலையமணி அதிருப்திகளையெல்லாம் கடந்து அனைவரையும் அரவணைத்து பிரச்சாரம் முழுவீச்சில் செய்கிறார்.., தொகுதியில் அனைத்து இடங்களையும் நன்கு அறிந்தவர். அதிமுக சார்பில் புதுமுகம் பாரதி மோகன் நிற்கிறார். அதனால் சிட்டிங் தவமணி ஏக கடுப்பில், சீட்டு கேட்டு ஏமந்த ஓசெ அசோக்குமர் போன்றோரே இவருக்கு பிரச்சனையாக உள்ளனர் திமுக பலமும், காங்கிரஸ்பலமும், ஆலையமணியின் உழைப்பும் அவரை திருவிடைமருதூரில் அமர வைத்து பாமகவிற்கு இங்கு ஒரு ஆரம்பம் கொடுக்கும்.

4.கும்பகோணம் :
கோ.சி.மணி (திமுக)
ராம.ராமநாதன் (அதிமுக)
கும்பகோணம் கோசி மணியின் கோட்டையென்று சின்னபிள்ளைங்களக் கேட்டாக் கூட சொல்லுமே, இதுக்கு ஒரு கணிப்பா?. இங்கு 3 முறை நின்று, அத்தனை முறையும் வென்று, இன்றும் நின்று கொண்டிருக்கிறார். இவருடன் எப்போதும் மோதும் அதிமுக ராமநாதன் இங்கு 3 முறை நின்று, 1 முறை வென்று 2 முறை தோற்றுள்ளார். ஒருமுறை வென்றதும் கோசி மணியை எதிர்த்தல்ல., ஜனத கட்சியை எதிர்த்து. பஸ், பள்ளிக்கூடம், கல்லூரி என இவர் சுற்றி ஓட்டுக் கேட்டுக் கொண்டிருக்க., கோசி ஏசி ல உட்கார்ந்து கையாட்டிகிட்டே ஓட்டு கேட்கிறார். இவர் கும்பகோணத்தில் செய்த மாற்றங்கள் என்றும் மக்கள் மனதில் நிற்கச்செய்யும். ராமநாதனுக்கு எதிரா பாஜக வேட்பாளர் கோதண்டராமன் நிற்கிறார் ஒட்டைப் பிரிக்க. தேமுதிகவும் குப்பல்.தேவதாஸை களமிறக்கி இருக்கிறது. எவ்வளவு பேர் எதிர்த்து நின்றாலும் கும்பகோணம் கோசி.மணிக்கே.

5.தஞ்சாவூர் :
என்.எஸ்.எம்.உபயத்துல்லா(திமுக) -சிட்டிங் -(கட்சி பலம், சொந்த செல்வாக்கு கூட்டணி பலம் +)
எம்.ரங்கசாமி(அதிமுக)

திமுகவின் செல்வாக்குள்ள தொகுதி. 4 முறை உபயத்துல்லா நின்று, 3 முறை வென்று 5 முறையாக இப்பொழுது களமிறங்கியுள்ளார். 5 ஆவது முறையும் இவர்தானா?, இவர் மகன் வேறு சரியில்ல என்ற எரிச்சலில் உபிக்கள் இருந்தாலும் தொகுதியில் செல்வாக்கு மிக்கவர் மக்களுக்கு வெகு நன்றாக அறிமுகமானவர் இதெல்லாம் அவர்களைக் கொஞ்சம் ஆசுவாசப்படுத்துகிறது. கலைஞரின் தஞ்சை விசிட்டும் புது உற்சாகம்தர பற்றிக் கொண்டது தேர்தல் பிரச்சாரம் வேகமாக. அதிமுகவில் போட்டியிடும் ரங்க இவரளவில்லையென்றாலும் தோழியுன் கணவர் நடராஜனின் உறவினர். பணபலம் உள்ளவர். தஞ்சை அதிமுக கோஷ்டி அரசியலுக்கும் அப்பாற்பட்டவர். குடம் குடுக்கிறோம், சில்வர் வாளி கொடுக்கிறோம் கலக்கிக் கொண்டிறுக்கிறது அதிமுக. தேமுதிக சார்பில் சிவநேசனும் பாரதிய ஜனதா சார்பில் சவுரஷ்ட்ர சமூக ராமலிங்கம் போட்டியிடுகின்றனர். விவசாய மாவட்டமான தஞ்சையில் விவசாயக் கடன்கள் ரத்து, இலவச மின்சாரம் போன்ற சலுகைகளும், உபயத்துல்லாவின் தொகுதி செல்வாக்கும் திமுகவின் வாக்கு வங்கியும் சேர்ந்து இங்கு குறள் நெறிச் செல்வர் வெற்றி பெறுவார்.

6.ஒரத்தநாடு :
பி.ராசமாணிக்கம்(திமுக)
ஆர்.வைத்திலிங்கம் (அதிமுக) - சிட்டிங் - அமைச்சர் வனத்துறை மற்றும் சுற்றுச் சூழல் - (பணபலம் ++)

1996ல் இத் தொகுதியை வென்ற ராசமணிக்கம் இம்முறையும் திமுக சார்பில் களமிறங்குகிறார். அதிமுக சார்பில் வனம் மற்றும் சுற்றுச்சுழல் அமைச்சர் வைத்திலிங்கம் போட்டியிடுகிறார். மதிமுக எல்.கணேசனின் ஊருள்ள தொகுதி என்பதால் மதிமுக இத் தொகுதிக்கு முயன்றது. கிடைக்கவில்லை. எனவே மதிமுக அவ்வளவு அக்கறையாக வேலை செய்யவில்லை. தேமுதிக சார்பில் ரமேஷ் என்பவரும் இத்தொகுதியில் போட்டியிடுகிறார். அமைச்சரின் சாதனைகளும், மத்திய அரசு தர முன் வந்த கலைகல்லூரி கட்டுவதை புறக்கணித்தையும் மக்கள் கருத்தில் கொள்வர். வைத்திலிங்கத்திற்கு ஆதரவாக முன்னால் அமைச்சர் அழகு திருநாவுக்கரசு பிரச்சாரம் செய்கிறார். இதெல்லாவற்றிற்கும் மேல் அமைச்சரின் பண பலம் மீண்டும் அமர வைக்கும்.

7.திருவோணம் :
தா. மகேஷ் கிருஷ்ணசாமி(திமுக)
கு.தங்கமுத்து (அதிமுக)
அதிமுக சிட்டிங் சி.ராஜேந்திரனுக்கும் இல்லை, கடந்தமுறை இவரிடம் தோற்ற திமுக எம்.ராமச்சந்திரனுக்கும் இல்லை அதிமுக சார்பில் பழைய மாசெ தங்கமுத்துவும்., திமுக சார்பில், வழக்கறிஞரும், ஓசெ தங்கராஜ்வின் வாரிசுமான மகேஷ் கிருஷ்ணமூர்த்தி நிறுத்தப்பட்டுள்ளனர். எம்.ராமச்சந்திரன் 5 முறை இதே தொகுதியில் போட்டியிட்டு 2 முறை வென்றவர். இந்தமுறையும் உறுதியாக தனக்கு கிடைகுமென நம்பியிருந்தார். தொகுதி கிடைக்காததில் அவர் ஆதரவளர்கள் அதிருப்தி பிரச்சாரத்தை பாதிக்கிறது. அந்தப் பக்கமும் சிட்டிங் ராஜேந்திரன் தொகுதிகென்று எதுவும் செய்யாமல் சிட்டிங்லேயே இருந்தது பெரிய சறுக்கல் அதிமுகவிற்கு. மதிமுகவின் ஒத்துழைப்பும் போதுமானதாக இல்லை. இருந்தாலும் இங்கு காங்கிரஸ் பலமில்லாத தொகுதி (சிவஞானம் இருந்த போது செல்வாக்கிருந்தது., இப்போது குறைவுதான்) எல்லாவற்றையும் பார்க்கும்போது, அதிமுக இங்கு வெல்லலாம்.

8.பேராவுரணி :
எஸ்.சி.திருஞான சம்பந்தம் (காங்கிரஸ்) -(கூட்டணி பலம், கட்சியின் செல்வாக்கு ++)
எம்.வி.ஆர்.வீரக்கபிலன்(அதிமுக)
காங்கிரஸ் கடந்த 4 முறைகளாக வென்று கொண்டிருக்கும் தொகுதி. காங்கிரஸ் சார்பில் கடந்த முறை வென்ற திருஞான சம்பந்தமே மீண்டும் போட்டியிடுகிறார்.தொகுதிக்கு நன்கு அறிமுகமானவர். அதிமுக சார்பில் நிற்கும் வீரகபிலன் தொகுதிக்கு புதுமுகம். அதுவும்தவிர கடந்த 4 முறைகளாக இங்கு அதிமுக போட்டியிட்வில்லை. எனவே கட்சிப் பொறுப்பில் இருக்கும் ஒருவரை நிறுத்தியிருந்தால் நன்றாக இருக்கும் என ரரக்களே புலம்புகிறார்களாம். இருந்தாலும் இத் தொகுதியில் அதிமுகவை மீண்டும் கொண்டு வர முனைப்புடன் பிரச்சாரம் செய்கின்றனர். பெரும்பான்மையாக முத்தரையர், தேவர் சமூக ஓட்டுகள் உள்ளன. இதைப் பிரிக்க தேமுதிக வேட்பாளர் பழனிவேலு கணிசமாக வாக்குகளை பிரிக்கும் பலத்துடன் உள்ளார். எது எப்படி இருந்தாலும் இது காங்கிரஸ் தொகுதி, சிட்டிங் எம்.எல்.ஏவே மீண்டும் நிற்கிறார். கூட்டணி கட்சிகளும் கலகலப்பாக வேலை செய்கின்றனர். இவை அனைத்தும் "காங்கிரஸ்க்கே..." கைகொடுக்கும்.


9.பட்டுக்கோட்டை:
என்.ஆர்.ரங்கராஜன் (கங்கிரஸ்)
சு.விஸ்வநாதன் (மதிமுக) - (பிரச்சாரம் +)

காங்கிரஸ் சிட்டிங் எம்.எல்.ஏ என்.ஆர். ரங்கராஜன் மீண்டும் போட்டியிடுகிறார். கணிக்க முடியாததொரு தொகுதி. மதிமுக சேர்மன் ஜெயபாரதி நல்ல செல்வாக்குடன் உள்ள ஊர். பல நலத்திட்டங்களை செய்து மக்கள் மனதில் இடம்பெற்றுள்ளார். இது மதிமுக வேட்பாளர் விஸ்வநாதனுக்கு பலம் கூட்டும். அதிமுகவில் எழுந்த மறைமுக எதிர்ப்புகளையும் சமாளித்துவிட்டார். ரங்கராஜன் தன்னுடைய தொகுதி என்றும், வேளாளர் சமூக வாக்குகள் தனக்கு அப்படியே விழும் என்றும் நம்பிக்கொண்டு பிரச்சாரத்தில் நிதானமாக இருக்கிறார். தொகுதிக்கு நிறைய செய்திருக்கிறார்தான் எனினும் பிரச்சார வேகம் வேண்டும். தேமுதிக வேட்பாளர் செந்திலை ஆதரித்து விஜயகாந்த் வந்து பிரச்சாரம் செய்தார். பட்டுக்கோட்டை சுவமிநாதன் என்பவரை ஃபார்வர்டு பிளாக் வேட்பாளராக நிறுத்தியுள்ளது. களத்தில் அனைவரையும் முந்திக் கொண்டு பிரச்சாரத்திலும், மக்கள் வரவேற்பிலும் முன்னனியில் இருப்பது பம்பரம். விஸ்வநாதன் வரலாம் பட்டுக்கோட்டையில்.
திமுக -2 காங்கிரஸ் - 1 சிபிஐ -1
அதிமுக - 1
வெல்வதற்கு வாய்ப்புள்ளவர்கள் :
துரை சந்திரமோகன் (திமுக)
என்.எஸ்.எம்.உபயத்துல்லா(திமுக)
கோ.சி.மணி (திமுக)
ராம்குமார்(காங்கிரஸ்)
இளமதி சுப்ரமணியன்(காங்கிரஸ்)
எஸ்.சி.திருஞான சம்பந்தம் (காங்கிரஸ்)
கோ.ஆலையமணி(பாமக)
சு.விஸ்வநாதன் (மதிமுக)கு.தங்கமுத்து (அதிமுக)
ஆர்.வைத்திலிங்கம் (அதிமுக)
தஞ்சை நண்பர்கள் கருத்துக்களைச் சொல்லுங்கள்.
கன்னியாகுமரி மாவட்ட கணிப்பு.
நெல்லை நிலவரம்.
தூத்துக்குடி மாவட்டம்
இராமநாதபுரம் மாவட்டம்
சிவகங்கை மாவட்டம்
விருதுநகர் மாவட்டம்
தேனி மாவட்டம்
நாகை மாவட்டம்
திண்டுக்கல் மாவட்டம்

தேர்தல் அலசல் - 2006 - புதுக்கோட்டை



யாருக்கு கோட்டை ?

புதுக்கோட்டை : மொத்தம் 5 தொகுதிகள்

1. புதுக்கோட்டை 2. குளத்தூர் 3. ஆலங்குடி 4. திருமயம் 5. அறந்தாங்கி

1. புதுக்கோட்டை:
எம்.ஜாபர் அலி (திமுக) - (சிறுபான்மை மக்கள் வாக்குகள், கூட்டணி கட்சிகள் பலம் +)
ஆர். நெடுஞ்செழியன் (அதிமுக)

புதுக்கோட்டை காங்கிரஸ்க்கு சற்று பலமான தொகுதி. சிட்டிங் விஜய பாஸ்கருக்கு இம்முறை சீட் கிடைக்கவில்லையே என்ற கடுப்பு, மாவட்ட எம்.ஜியார் மன்ற பொருப்பாளர் செல்லத்துரைக்கோ போன முறைதான் விஜய குமார் எனக்கு ஏழறை இந்த முறை நீ வந்து கெடுத்தியான்னு சலிப்பு. அனைவரையும் ஒருவழியாக அரவணைத்து இழுத்துச் செல்வதற்குள் அதிமுகவின் பல ரரஸ் பாஜகக்கு வேலை பார்க்கத் துவங்கிவிட்டது. பத்தாத்திற்கு தொகுதியில் அதிகம் உள்ள கள்ளர் சமூகம், ஆதி மக்கள் சமூகம் இரண்டில் கள்ளர் சமூகத்தினிடம் மட்டும் வேட்பாளர் ஓட்டுக் கேட்பாதாக பிரச்சனை எழுந்துள்ளது. சரியென்று இதையும் சமாளித்தால் தொகுதியில் அடுத்ததாக அதிக அளவில் இருக்கும் முத்தரையர் ஓட்டுக்களைப் பிரிக்க அதிமுக யூனியன் சேர்மன் கருப்பையா த நண்பர் மாரிமுத்துவை சுயேட்சையாக களமிறக்குகிறார். இவருக்கு ரகுபதியின் ஆட்கள் துணை வேறு இப்படி பலவற்றால் நொந்து நூலாகி கொண்டிருக்கிறார் அதிமுக வேட்பாளர். திமுக ஜாபர் அலியோ சிறுபான்மை மக்கள் பலம், கூட்டணி கட்சிகள் பலம் என தெம்பாக வலம் வருகிறார். பாஜக சார்பில் துரை திவ்யநாதனும், தேமுதிக சார்பில் சவாங்கீரும் இங்கு போட்டியிடுகின்றனர். துரை திவயத்திற்கு திருநாவுக்கரசர் வேலை பார்ப்பதால் திமுக, அதிமுக கட்சிகளுக்கு நன்றாக ஒட்டுப் பிரியும். ஆனால் பாஜக வேட்பாளர் வெல்ல வாய்ப்பில்லையென்றுதான் நினைக்கிறேன். தற்போதைக்கு புதுக்கோட்டை ஜாபர் அலிக்கு சாதகம்.
2. குளத்தூர் (தனி):
சி.பரஞ்சோதி (திமுக) - ( கூட்டணி கட்சிகள் பலம் +)
ந.சுப்ரமணியன்(அதிமுக)
தனித்தொகுதியான குளத்தூர், இப்பக்கம், சிட்டிங் டாக்டர் கருப்பாயி இருமுறை அதிமுக சார்பில் நின்று ஒரு முறை வென்ற தொகுதி. இம்முறை இங்கு விராலிமலை அதிமுக ஒசெ ராஜேந்திரன் பரிந்துறைக்க ந.சுப்பரமணியன் என்ற அரசு ஊழியரை களமிறக்கி இருக்கிறது அதிமுக. உடையார் சமூகத்தைச் சேர்ந்த ராஜேந்திரன் நிறுத்தியவரை நாம் ஆதரிப்பதா என மற்ற ஒசேக்கள்( அனைவரும் கள்ளர் சமூகம்) சுப்ரமணியத்திற்கு வேலை செய்ய சுணக்கம் காட்டுகின்றனர். அப்பக்கம் காங்கிரஸ் காலத்தில் நற்பெயரெடுத்த குளத்தூர் சின்னய்யாவின் வாரிசு பரஞ்சோதியை திமுக சார்பில் நிறுத்தியுள்ளார்கள். இவரைப் பரிந்துறைத்ததும் ஒரு ஒசெதான் அன்னவாசல் காந்திநாதன். தன் கட்சிபலமும் திகுதியில் தெரிந்த முகமென்பதும், கூட்டணியின் இணக்கமான உழைப்பும் பரஞ்சோதிக்கு குளத்தூரை பரிசளிக்கலாம்.


3. ஆலங்குடி:
எஸ்.இராஜசேகரன் (சிபிஐ) -( கூட்டணி கட்சிகள் பலம் +)
அ.வெங்கடாசலம்(அதிமுக)

ஆலங்குடியில் 1996ஆல் சுயேட்சையாக நின்று சிபிஐ எஸ்.ராஜசேகரனை வெற்றி கொண்ட வெங்கடாசலம் கடந்த தேர்தலில் அதிமுக சார்பில் நின்று, இத் தொகுதி வென்று, அமைச்சருமானார். முத்தரையர் சமூக ஓட்டுக்களால் இருமுறை வென்ற இவர் இம்முறையும் இறங்குகிறார். இவரை எதிர்த்து 1996ல் நின்ற அதே எஸ்.ராஜசேகரன் நிற்கிறார். வெங்கடாசலத்துடன் பிரச்சனையுள்ள அதிமுக ராஜா பரமசிவம் சுயேட்சையாக நிற்பதால் முத்தரையர் வாக்குகள் பிரியும். அதிமுகவினரின் ஆதரவும் இவருக்கு முழுமையாக இல்லை. கூட்டணி பலத்தால் சிபி.எம் ராஜசேகரனுக்கு இம்முறை வாய்ப்புள்ளது.

4. திருமயம்:
சுப்புராம்(காங்கிரஸ்) - (தொகுதியில் செல்வாக்கு, கூட்டணி பலம் +)
எம்.இராதகிருஷ்ணன்(அதிமுக) - - அமைச்சர் மீன்வளம்.
எம்.ராதா மீண்டும் இத்தொகுதியில் நிற்கிறார். தொகுதியை காங்கிரசஸ்க்கு கொடுத்திருக்கிறது திமுக. கடந்தமுறை அமைசர் ரகுபதி திமுக சார்பாக இராதாகிருஷ்ணனை எதிர்த்து போட்டியிட்ட தொகுதி. காங்கிரஸ் சுப்பாராம் தொகுதிக்கு புதிய முகம் என்றாலும் பிரச்சாரத்திற்கு கனம் கூட்ட பா.சிதம்பரம், ரகுபதி ஆகியோர் உள்ளனர். தொகுதியில் பெரும்பான்மையாக உள்ள முத்தரையர் சமூக ஒட்டுக்களை காங்கிரஸ்க்குப் பெற்றுத் தர காங்கிரஸ் தலைவர் புஸ்பராஜ் இருக்கிறார். தவிர ராதா போனமுறை வாக்களித்து நிறைவேற்றாத வாக்குறுதிகள் தண்ணீர் பிரச்சனை தீர்ப்பேன், திருமயம் கோட்டையை சுற்றுலாத்தலமாக்குவேன் போன்றவை காங்கிரஸ் சுப்பாராஜ் மீது மக்கள் கவனத்தை வெகுவாக திருப்ப வைத்திருக்கிறது. இராதா கிருஷ்ணனுக்கோ இந்த வாக்குறுதிகளுடன் சேர்ந்து அதிமுகவில் அவரு சுயேட்சையாக நிக்கிறாரு, இவரு சுயேட்சையா நிக்கிறாருன்னு வருகிற தகவல்களை கேட்டு சரி பண்ணுவதும் மண்டையிடி. பா.ஜ.க கூட்டமைத்து கு.ப.கிருஷ்ணன் (தமிழர் பூமியாம்ல?, கட்சி பேரு) இங்கு நிற்கிறார். முத்த்ரையர் சங்க ஆதரவு இவருக்குண்டு. தேமுதிக முருகேசனும் சுறுசுறுப்பாக களத்தில் இருக்கிறார். இத்தொகுதியில் கூட்டணி பலம் அமைச்சரை இறக்கி, காங்கிரஸை அமர வைக்கும்.

5. அறந்தாங்கி:
உதயம் சண்முகம்(திமுக)
கார்த்திகேயன் (அதிமுக) - (கட்சி பலம் +)

திருநாவுக்கரசு கோட்டை, அதிமுக சார்பில் 6 முறை இத்தொகுதியில் போட்டியிட்டு 6 முறையும் வென்றார் திருநா. ஆனால் இம்முறை இவர் கவனம் புதுக் கோட்டையில் முகாமிட்டு இருக்கிறது. கடந்த தேர்தலிலும் எம் அதிமுக பி.அரசன் தான் வென்றுள்ளார் தற்போதைய எம்.எல்.ஏ. அதிமுக சார்பில் முதலில் பி.எம். பெரியசாமி அறிவிக்கப்பட்டு, பின் அதை மாற்றி தற்போது கார்த்திகேயன் என்பவரை அறிவித்து இருக்கிறது அதிமுக (செலவு செஞ்சு நொந்து போயிருப்பார்)., திவாகரனின் செல்வாக்கில் கார்த்தி அறிவிக்கப்பட்டிருக்கிறார் என்கிறார்கள். பெரியசாமி அகமுடையார் சமுகம், கார்த்திகேயன் கள்ளர் சமுகம். இப்ப இரு சமுகத்தில் யார் பெரியவர் என வந்து நிற்கிறது. எண்ணிக்கையில் பார்த்தால் அகமுடையார் ஓட்டுக்கள்தான் அதிகம். ஆனால் அவரை நீக்கியதால் விளைவு அறந்தாங்கியிலிருந்து ஆண்டிப்பட்டி வரைக்கும் திமுக வை ஆதரிப்போம் என தேவர் பேரவை அறிவித்திருக்கிறது. பஸ் மறியல் கூட நடத்தியிருக்கிறார்கள் இவ்வேட்பாளர் மாற்றத்தைக் கண்டித்து. இதுனாலதான் கலைஞர் வாய் திறப்பதையெல்லாம் வேறு கோணத்தில் திரிக்கிறார்கள் போல. இது தவிர கைய வெட்டுனாரு, கடை புகுந்து அடிச்சாருன்னு ஏகப்பட்ட புகழ்கள் வேறு கார்த்திகேயனுக்கு இருப்பதாலும், கூட்டணிகட்சிகளின் ஆதரவினாலும் திமுக உதயம் சண்முகம் மகிச்சியாக வலம் வந்து கொண்டிருக்கிறார்... இருந்தாலும் ஆவுடையார் கோவில் சேர்மன் சுந்தராஜன், துரை மாணிக்கம் போன்ற திமுக தலைகள் உதய சண்முகத்திற்கு உற்சாகமாக உழைப்பதில்லை. பாஜக சார்பில் கவிஞர். குழ. காத்தமுத்துவும், முகமது அலி ஜின்னா தேமுதிக சார்பிலும் நிற்கிறார்கள். எல்லாவற்றையும் கணக்கிட்டால் தலை சற்று சுற்றுகிறது. திருநாவின் கோட்டை என்பதால் அதிமுகவிற்கு வாய்ப்புள்ளது.
மொத்தம் 5 தொகுதிகள். திமுக - 3, காங்கிரஸ் - 1, சிபி ஐ - 1
அதிமுக - 5 என களம் காணுகின்றன புதுக்கோட்டையில், புதுக்கோட்டை ஒரு மலை மாவட்டம். நார்த்தமலை, விராலிமலை, திருமயம் போன்றவை இம்மாவட்டத்தில் இருக்கிறது. இங்கு அதிமுக 5 இடங்களிலும் தனது வேட்பாளர்களை நிறுத்தியுள்ளது. விவசாயத்தை முக்கியத் தொழிலாக கொண்ட மாவட்டம். விவசாயிகளுக்கான சலுகைகள் கட்சிகளுக்கு கைகொடுக்கும், முத்தரையர் சமூகம், முக்குல சமுதாயம், சிறுபான்மை சமுதாயம், ஆதி மக்கள் ஓட்டுக்கள் அனைத்தும் இம்மாவட்டத்தின் ஓட்டு வங்கிகள். குடிநீர் பிரச்சனை உள்ள மாவட்டம். மழைநீரை நம்பி மட்டுமே இவ்வூரின் நீர் ஆதாரங்கள் உள்ளன. அடிப்படை வசதிகள் இல்லையென கூறி இம்மாவட்டத்தின் கந்தர்வ கோட்டையில் மக்கள் தேர்தலை புறக்கணிப்பதாக கூறியுள்ளனர். இன்று 300 திமுகவினர் அதிமுகவில் சேர்ந்துள்ளனராம்.
திமுக -2 காங்கிரஸ் - 1 சிபிஐ -1
அதிமுக - 1 வெல்லலாம்

வெல்வதற்கு வாய்ப்புள்ளவர்கள் :
எம்.ஜாபர் அலி (திமுக)
சி.பரஞ்சோதி (திமுக)
எஸ்.இராஜசேகரன் (சிபிஐ)
சுப்புராம்(காங்கிரஸ்)
கார்த்திகேயன் (அதிமுக)
புதுவை நண்பர்கள் கருத்துக்களைச் சொல்லுங்கள்.

கன்னியாகுமரி மாவட்ட கணிப்பு.
நெல்லை நிலவரம்.
தூத்துக்குடி மாவட்டம்
இராமநாதபுரம் மாவட்டம்
சிவகங்கை மாவட்டம்
விருதுநகர் மாவட்டம்
தேனி மாவட்டம்
நாகை மாவட்டம்

தேர்தல் அலசல் - 2006 - திண்டுக்கல்


ஓட்டா? பூட்டா?

திண்டுக்கல் : மொத்தம் 7 தொகுதிகள்.

1.ஆத்தூர் 2. வேடசந்தூர் 3. பழனி 4. திண்டுக்கல் 5. ஒட்டஞ்சத்திரம் 6. நிலக்கோட்டை 7.நத்தம்.

1.ஆத்தூர் :
ஐ.பெரியசாமி (திமுக) - (போட்டி கடுமையெனினும் கூட்டணி கட்சிகளின் பலம் +)
திண்டுக்கல் சீனிவாசன்(அதிமுக)

ஆத்தூர் ஐ.பி 3 முறை நின்று 2 முறை வென்ற தொகுதி. தொகுதியில்நடந்தாலும் ஐ.பி இல்லாமல் நடக்கது. அவர் மகன் செந்தில் குமார் மாவட்ட இளைஞர் அணி துணைச் செயலாளர். பசங்க பூராம் திமுகவிற்காக பம்பரமா சுத்துறங்களாம். பக்கத்துல மொகத்துல சுணக்கத்தோடு அடுத்த கட்சியை சேர்ந்த யார் நின்னாலும், பேசி "வாங்க! நாங்க இருக்கம்ல"ன்னு அவங்கள எதுவும் சொல்லவிடாம, கூட்டிட்டு வந்து திமுகவில் ஐக்கியப்படுத்துகிறது இந்த வாரிசு. இப்படிப் பேசி பேசியே செட்டியபட்டி ஐய்யம்பாளையம் அதிமுக, மதிமுக முக்கிய நிர்வாகிகள் பலரை திமுகவில் இணைய வைத்திருக்கிறது திண்டுக்கல் திமுகவின் வருங்கலாம். கலைஞர் ஆட்சியில் இருந்தபோது மக்களுக்கு இலவசமாக கொடுத்த காஸ் சிலிண்டரைகளை அதிகாரிகள் பறிமுதல் செய்தார்கள் இவ்வாட்சியில். அதை எடுத்துக் கொண்டு போன அந்த அதிகாரிகளையே மீண்டும் கொண்டு வந்து தர வைப்பேன்னு இன்னொரு பக்கம் ஐ.பெரியசாமியும் கலக்கிகொண்டிருக்கிறார். ஆறு மாதத்திற்கு முன்பிருந்தே தொகுதி நமக்குத்தான் என்று தேர்தல் வேலை செய்ய ஆரம்பித்தவர் ஐ.பி. காங்கிரஸ், கம்யூனிஸ்ட் கட்சிகளும் இணக்கமாய் வேலைசெய்கின்றன. இவர் வென்றால் மாவட்டத்திற்கு ஒரு அமைச்சர் மீண்டும் கிடைப்பார் என நம்பிக்கையாய் சொல்லிக் கொண்டிருக்கிறது உடன்பிறப்பு. அந்தப்பக்கம் மட்டுமென்ன? அமைச்சராகப் போகும் அண்ணனை ஆதரியுங்கள் என்று கூறித்தான் திண்டுக்கல்.சீனிவாசனுக்கு (இவர் அதிமுக மாநில பொருளாலர்) ஓட்டே கேட்கிறார்களாம் ரரக்கள். தொகுதி பக்கமே வராமல் இருந்த எம்.பி, இப்போது வந்து பிக்கப்பண்ணி ஸ்டடியா போய்க் கொண்டிருக்கிறது பிரச்சாரம். இவருக்கும் இவர் மகன்களில் ஒரு மகன் காரோட்ட, இன்னொரு மகன் ராஜ்மோகந்தான் உறுதுணையாய் இருக்கிறார். அவரது அண்ணன் மகன்கள்தான் தேர்தல் வரவு செலவுகளை கவனிக்கிறார்கள். வாரிசு அரசியல்னு திமுகவை கிண்டல் பண்ணி பிரச்சாரமும் பண்ணிக் கொண்டிருக்கிறார். முன்னால் திண்டுக்கல் எம்.எல்.ஏ பிரேம்குமார் இவருக்காக ஓடி, ஓடி உழைக்கிறார். ஆனால் சிட்டிங் நடராஜன் மேல் சனங்க ரொம்ம்பப் பாசம் வச்சிறுக்கிறது இவரைப் பாதிக்கிறது, இருந்தாலும் 'எதுக்கு அவர பேசிறிய, அவர் செய்து தராமல் விட்டதை செய்யத்தான் நான் வந்திருக்கன்ல?'ன்னு இவர் பேசுவதை கேட்டு 'ம்க்கும்'ன்னு கழுத்தை திருப்பிக் கொள்கிறது பொது சனம். இவ்விரு மலைகளுக்கிடையே சாதி பலத்தையும், ரசிகர்கள் பலத்தையும் நம்பி மெல்லிய சல சலப்புடன் ஒடிக்கொண்டிருக்கிறது தேமுதிகவின் ராகேஷ் பெருமாள் என்ற ஆறு. இங்கு வெல்லப்போவது ராஜ்குமரா?, செந்திலா? பின்ன ஐ.பெரியசாமியா, சீனிவாசனான்னா கேட்க முடியும். வென்றால் அவர்கள் சென்னையில் உள்ளுரில் பட்டாசு வெடிக்கப்போவது பசங்கதானே?. கூட்டணிபலம், மக்கள் செல்வாக்கு எல்லாம் வைத்து பார்த்தால் வெல்லப் போவது ஐ.பி.

2. வேடசந்தூர்:
எம். தண்டபாணி(கங்கிரஸ்) - (தொகுதியில் செல்வாக்கு, கூட்டணி பலம் +)
பழனிச்சாமி(அதிமுக)
அதிமுகவின் பலமான தொகுதி. சிட்டிங் ஆண்டிவேலுக்கு இல்லை. அதிமுக பழனிச்சாமிக்கு வழங்கப்பட்டிருக்கிறது தொகுதி. இங்கு தொகுதி செல்வாக்குள்ளவர் முன்னால் துணை சபாநாயகர் காந்திவேல்ராஜன் காங்கிரஸ். இவர் பிரச்சாரத்தில் இல்லை. காங்கிரஸ் சார்பில் தண்டபாணி போட்டியிடுகிறார். கூட்டணி துணையோடு செறிவாக உள்ளது காங்கிரஸ். வேடசந்தூர் தண்டபாணிக்கு.

3. பழனி(தனி) :
எம்.அன்பழகன் (திமுக) -(அதிமுக குழப்பம், கூட்டணி பலம்++)
எஸ்.பிரேமா(அதிமுக)
இத்தொகுதியில் முன்பு வேட்பாளாராக அறிவிக்கப்பட்டவர் தமிழரசி. சிட்டிங் சின்னச்சாமி மீது மக்கள் வைத்திருக்கும் அபிமானத்தின் பலன் எல்லாம் வீடு, வீடாக ஓட்டுக்கேட்டு போன தமிழரசியைத் தாக்கினாலும் பல கிரமங்களில் புகுந்து புறப்பட்ட இவரை அதிரடியாக நீக்கி, பால சமுத்திரம் கவுன்சிலர் பிரேமாவை ஓர் நாளில் தயார் படுத்தி வேட்புமனு தாக்கல் செய்ய வைத்திருக்கிறது அதிமுக. சிட்டிங் சின்னச்சாமி கோஷ்டி சிரிப்புடனும், தமிழரசியை தன்னால் மாற்ற முடிந்தது என்று மாசெ செல்லச்சாமி பெருமையுடனும், திடீரென வந்த வாய்ப்பே என பிரேமா திகைப்பிலும் சுற்றி வர, 12 லட்சத்தை தொலைத்து, மாற்றி விட்ட அவமானத்துடன் தமிழரசி என பழனி அதிமுக பல்வேறு உணர்வு கொந்தளிப்பில் இருக்கிறது. மாசெ கோஷ்டி பிரேமலாதவுக்காக சுறுசுறுப்பாக வேலை செய்கிறது. ஆனால் பழைய எம்.பி. குமாரசாமி க்ரூப் அப்செட்டாம். அதிமுகவின் இந்நிலையும், கம்யுனிச கட்சிகளின் செல்வாக்குள்ள இடம் (நில மீட்புப் போராட்டம் பழனி மக்களின் மனதில் என்றும் இருக்கும்) என்பதாலும், எல்.ஐ.சி முகவர்களின் தனிப்பட்ட பிரச்சாரத்தாலும் (வேட்பாளரும் எல்.ஐ.சி ஏஜெண்ட்தான்), கூட்டணி மக்களின் நல் உழைப்பாலும் சிரிப்பு முகம் காட்டுகிறது உதிக்கும் கதிரவன். இதற்கிடையில் நான் ஆயக்குடிகாரன் என தேமுதிக சுந்தரும் குரல் கொடுத்துக்கொண்டிருக்கிறார். அன்பழகனுக்கு பழனி.

4. திண்டுக்கல்:
பால பாரதி (சிபிஐ (எம்)) - (கட்சிப் பலம், கூட்டணி பலம் ++)
என்.செல்வராகவன்(மதிமுக)
பால பாரதி
திண்டுக்கல் சிபிஐ(எம்)ன் பலமான தொகுதிகளில் ஒன்று. சிட்டிங் எ.எல்.ஏ.நாகலட்சுமி சிபிஎம் ய்ச் சேர்ந்தவர்தான். பல்வேறு நலப்பணிகள் செய்து தொகுதியில் மிகுந்த செல்வாக்குப் பெற்றுள்ளவர் திமுக சேர்மன் பஷீர் அகமது. இவரது செல்வாக்கும், பிரச்சாரமும் பாலபாரதிக்கு வெகுவாக பயன்படும். மதிமுக சார்பில் பாலபாரதியை எதிர்த்து நிற்பவர் மதிமுக செல்வராகவன். திண்டுக்கல் மாசெ மருதராஜ் சகிதம் வலம் வந்து ஓட்டுக்கள் கேட்டாலும் பாதி அதிமுகவினர் நத்தத்திற்கும், ஆத்தூருக்கும் சென்று அமைச்சர் விஸ்வநாதனுக்கும், திண்டுக்கல். சீனிவாசனுக்கும் வேலை செய்வதால் கூட்டணி பலம் கொஞ்சம் மந்தம்தான். இங்குதான் இப்படியென்றால் பாலபாரதிக்கும் பாமக ஒத்துழைப்பு சரியாகயில்லை. ஆனாலும் சிபிஎம்ன் பலமும், திமுகவின் பலமும் சேர்ந்து தெம்பாகவே இருக்கிறாராம் பாலபாரதி.

5. ஒட்டஞ்சத்திரம் :
ஆர. சக்கரபாணி(திமுக) - சிட்டிங் - (தொகுதியில் செல்வாக்கு, கூட்டணி பலம் +)
கே.பி.நல்லசாமி (அதிமுக)

திமுக ஆர.சக்கரபாணி இத்தொகுதியில் இரு முறை நின்று, 2 முறையும் வென்று இப்போதும் நிற்கிறார். கடந்தமுறை திண்டுக்கல்லில் திமுகவிற்கு கிடைத்த ஒரே இடம் இந்த ஒட்டன்சத்திரம்தான். அதிமுக சார்பில் கே.பி.நல்ல சாமி நிற்கிறார். தேமுதிகவிற்காக பாலசுப்ரமணியம், பாஜக கருப்பசாமி ஆகியோர் நிற்கின்றனர். தொகுதி செல்வாக்கு, கூட்டணி கட்சிகள் செல்வாக்கு இரண்டும் மீண்டும் சக்கரபாணியை உட்காரவைக்கும்.

6. நிலக்கோட்டை(தனி):
கே.செந்தில்வேல் (காங்கிரஸ்)
எஸ்.தேன்மொழி (அதிமுக) - (தொகுதியில் செல்வாக்கு, கூட்டணி பலம் +)
நிலக்கோட்டை காங்கிரஸ் ஏ. எஸ். பொன்னம்மாள் தொடர்ந்து 3 முறை வென்ற தொகுதி, கடந்த தேர்தலில் சிட்டிங் ஜி.அன்பழகன் வென்றிருக்கிறார். காங்கிரஸின் செல்வாக்கும்தான் இதற்கு காரணம். எனவே இத் தொகுதியை காங்கிரஸ்க்கு கொடுத்திருக்கின்றன உபிக்கள். இவரை பரிந்துறை செய்து சீட் வாங்கி கொடுத்தவர் திண்டுக்கல் எம்.பி. சித்தன். அவர் சீட் வாங்கிக் கொடுத்துவிட்டு திண்டுகல்லுக்குப் போய்விட, நிலக்கோட்டை கதர்சட்டைகள் காதில் புகை விட்டுக் கொண்டு வேலை செய்ய மறுக்கின்றனராம். சேர்மன் நாகரஜனின் செல்வாக்கும், பணபலமும் உள்ள அதிமுக வேட்பாளர் தேன்மொழி சுறு, சுறுவென பிரச்சாரம் செய்கிறார். தேமுதிகவில் நிற்கும் நித்யா தொகுதி முழுவதும் மிக பணிவாக ஒட்டுக்கேட்டு கொண்டிருக்கிறார். திமுக செல்வாக்கில்லாத தொகுதி இது. எனவே இத் தொகுதி அதிமுகவிற்கு.

7.நத்தம்:
எம்.எ. ஆண்டி அம்பலம் (திமுக) - (தொகுதியில் செல்வாக்கு, கூட்டணி பலம் +)
இரா.விஸ்வநாதன் (அதிமுக) - அமைச்சர் - போக்குவரத்து துறை
விஸ்வநாதன்
காங்கிரஸ்க்கு பலமான தொகுதி. இத் தொகுதியை திமுகாவிற்கு கொடுத்துவிட்டு, நிலக்கோட்டையிலும், வேடசந்தூரிலும் நிற்கிறது. இத் தொகுதியில் காங்கிரஸில் செல்வாக்குள்ள ஆண்டிஅம்பலம் கடந்த 7 களில் 6 தேர்தல்களில் போட்டியிட்டு, அத்தனை தேர்தல்களிலும் வென்றுள்ளார். கடந்த தேர்தலில் இத்தொகுதி கூட்டணிகட்சியான அதிமுகவிற்கு சென்றதால் வென்றார் அமைச்சர் நத்தம் விஸ்வநாதன். அவரே மீண்டும் போட்டியிடுகிறார் அதிமுக சார்பில். ஆண்டி அம்பலத்தின் மகன் எம்.எ ஆண்டி அம்பலம் திமுக சார்பில் போட்டியிடுகிறார். சுற்றுப் பட்டில் உள்ள அத்தனை ரரக்களும் இத்தொகுதியில் தான் அமைச்சருக்காக பிரச்சாரம் செய்து கொண்டிருக்கிறார்கள். அவரும் ஆஸ்பத்திரி கட்டிகுடுத்தேன், பாலம் போட்டுக் குடுத்தேன், கல்லூரி வச்சேன், பாக்ட்ரி வைச்சேன், நீர் தேக்கம் அமைச்சேன், போக்குவரத்து வசதி பண்ணுனேன்னு தன் சாதனைகளை சொல்லி ஓட்டுக்கேட்டு கொண்டிருகிறாராம் (இதெல்லாம் எப்ப?ன்னு ஜனங்க தனியா யோசிக்கிறதா கேள்விப்பட்டேன்). ஏன்னா இல்லாத இதையெல்லாம் வரும்காலத்தில் வென்றால் நான் செய்வேன் என்றுதான் ஆண்டிஅம்பலம் ஓட்டுக்கேட்கிறார்., காந்தன் மலை மலையூர், பெரிய மலையூர், வலசை, அணவாய்ப்பட்டி ஆகிய மலை கிரமங்களுக்கு பஸ் வசதி, சுகாதார வசதி செய்துதரப் படும், அஞ்சுகிழிப் பட்டி சங்லியான் கோவில்தேக்கம், நொச்சியோடைப்பட்டி நீர்த்தேக்கம், கோணப்பட்டி அய்யனார் அணைக்கட்டு செந்துறை பஞ்சம் தாங்கி அணைக்கட்டு போன்றவை செய்யப்படும், திண்டுக்கல்லில் இருந்து முளையூருக்கும், இடையபட்டிக்கும் பஸ் வசதி செய்து தரப்படும் என்று கூறி வாக்கு கேட்கிறார் ஆண்டி அம்பலம். இதையெல்லாம் செய்துவிட்டேன் என வாக்கு கேட்கிறார் விஸ்வநாதன். இவர்களுக்கிடையில் தேமுதிக சார்பில் கணேசனும் களத்தில் இருக்கிறார். பணபலம் விஸ்வநாதனுக்கு., செல்வாக்கு ஆண்டி அம்பலத்திற்கு. தொகுதியும் ஆண்டி ஆம்பலத்திற்கே கிடைக்கலாம்.
மொத்தம் 7 தொகுதிகள். திமுக - 4, காங்கிரஸ் - 2, சிபி ஐ(எம்) - 1
அதிமுக - 6 மதிமுக -1 என நிற்கும் திண்டுக்கல்லில் முதன் முதலில் எம்ஜியார் அதிமுக சார்பாக முதன்முதலில் போட்டியிட்டு வென்றார். ஒரு காலத்தில் இது அதிமுகவின் இடமாக இருந்தது. இங்கு சாதி ஓட்டுக்கள் சிறிதளவே பயன்கொடுக்கும் ஏனெனில் பலதரப்பட்ட சமூக மக்கள் உள்ள மாவட்டம். விவசாயம், நூற்பாலை, தோல் பதனிடுதல் போன்ற தொழில்கள் செய்யப்படுகின்றன. எனவே விவசாய சலுகைகள், நெசவாளர் மற்றும் சிறு தொழில் புரிவோருக்கு வசதிகள் செய்யும் கட்சி வெல்லும்.

2001 ல் அதிமுக 5 தொகுதியிலும் அதன் கூட்டணி கட்சி சிபிஐ (எம்) - 1 என வென்றது. இம்முறை திமுக கூட்டணிக்கு அதிக தொகுதிகள் கிடைக்கும்.
திமுக -4 காங்கிரஸ் - 1 சிபிஐ -1
அதிமுக - 1
வெல்லலாம்
வெல்வதற்கு வாய்ப்புள்ளவர்கள் :
எம்.எ. ஆண்டி அம்பலம் (திமுக)
ஆர. சக்கரபாணி(திமுக)
எம்.அன்பழகன் (திமுக)
ஐ.பெரியசாமி (திமுக)
எம். தண்டபாணி(கங்கிரஸ்)
பால பாரதி (சிபிஐ (எம்))
தேன்மொழி(அதிமுக)
திண்டுக்கல் நண்பர்கள் கருத்துக்களைச் சொல்லுங்கள்.
கன்னியாகுமரி மாவட்ட கணிப்பு.
நெல்லை நிலவரம்.
தூத்துக்குடி மாவட்டம்
இராமநாதபுரம் மாவட்டம்
சிவகங்கை மாவட்டம்
விருதுநகர் மாவட்டம்
தேனி மாவட்டம்
நாகை மாவட்டம்
புதுகை மாவட்டம்